Rikthehen atentatet me tritol. Makina e drejtuar nga një 25 vjeçar me precedentë penalë në Vlorë shpërtheu sot, ndërsa ishte në lëvizje në qytet. I riu ka pësuar dëmtime të rënda, kryesisht në këmbe. Policia ende nuk ka asnjë pistë për autoret e shpërthimit.
Janë momentet e para pas shpërthimit të tritolit. Makina që drejtonte i riu Ines Hajrrulla u shkatërrua e gjitha.
Besohet se u përdoren 300 gramë tritol për të shkaktuar një akt të tillë në Vlorë.
Kurse 25 vjeçari që drejtonte furistraden, ku djali që shikoni në pamje u dëmtua rendë në gjymtyrë.
Shpërthimi pranë degës së Sigurimeve Shoqërore, në lagjen ”Hajro Çakërri”, tek Bishti i Kalldrëmit. Makina lëvizi 70 metra dhe më pas u godit me një tjetër automjet te parkuar ne zone.
Llamarrinat e saj u përhapen në një rreze të madhe.
Drejtuesi u dërgua me urgjencë në spitalin e Vlorës dhe mjekët thonë se ka marrë plagë të forta.
Njërën kembe ata u detyruan ta operonin. Dëshmitarët nga vendi i ngjarjes treguan dëgjuan një shpërthim të fuqishëm, dhe më pas automjeti u përfshi nga flakët.
Eskpertët mendojnë paraprakisht se lënda shpërthyese ishte vendosur në pjesën e përparme te furistrades.
Sipas policisë Ines Hajrulla është person me precedentë penalë.
Në vitin 2013 është akuzuar për grabitje të një pike lloto bashkë me persona të tjerë, kurse në Dhjetor të vitit 2016 u arrestua me dy pistoleta çeke.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes./acbnews.al
https://youtu.be/D2M9qjqS8io
