Artistë të Jazzit nga Ballkani dhe Evropa i kanë dhuruar Fierit atmosferë magjike për tri netë radhazi. Ky është viti i dytë që Bashkia e Fierit iu afron banorëve të këtij qyteti një koncert të tillë.
Vera është ndryshe në Fier. Prej një muaji koncerte të përnatshme i kanë dhënë qytetit myzeqar atmosferën e një qyteti muzikor, i cili pret dhe përcjellë artistë nga e gjithë bota.
Për tri netë me radhë, artistë të jazzit nga Ballkani dhe Evropa i kanë dhuruar Fierit atmosferë magjike, nën melodinë e të cilave Fieri përcjellë në mënyrën më perfekte orët e fundit të ditës.
Muzika, tingujtë relaksues edhe këtë radhë kanë mundur të bëjnë bashkë artistët ballkanas dhe qytetarët fierakë në këto netë vere.
Prej dy vitesh qytetarët fierakë shijojnë muzikën më të mirë vendase dhe ballkanike, jazzin dhe folkun, humorin dhe teatrin, duke e bërë verën më të freskët dhe qytetin më atraktiv. /ABC News Albania 24/7
