Rreth gjysma e këtyre gjelave në fshatin Baldushk të Tiranës janë shënjuar.
“I kam të gjithë me lidhëz, i kam shënuar”.
Klientët besnikë e kanë telefonuar Zeliha Salihun për t’i rezervuar gjelin e tryezës së festës së ndërrimit të viteve që herët.
“Pula 15 mijë lekë kg, gjeli aq 14- 13 mijë aq e kam shitur. Kam pas 100 krerë, dhe pak kam, i kam të prenotuara me telefon… nuk kanë ndonjë kundërshtim me çmimin se dhe ato shohin koston tonë, mundin”, tha një tredtare,
Gjelat e tjerë të tufës banorët e Baldushkut besojnë se do ti tregtojnë me hapjen e tregut të shpendëve në fshat.
“Na ndihmon shumë tregu… kur hapet tregu fillojnë vijnë njerëzit”, thonë banorët.
Tregu i shpendëve në Baldushk hapet të martën dhe interesi është i lartë.
“Me datë 19 hapet tregu i shpendëve në Baldushk. Mendoj se do të kemi një interes shumë të madh. Nga informacionet që kemi mbledhur mendojmë se do të jenë 45- 50 mijë gjela të tregtuar nga zona e Baldushkut. Qytetarët që do të blejnë gjelin duhet të jenë të sigurt që gjeli që do të kenë në tryezë është i certifikuar dhe kontrolluar nga të gjitha organet kompetente”
Hapja e tregut të gjelave në prag të festave është kthyer në traditë, ndërsa gjeli i Baldushkut mbetet i preferuari i qytetarëve për natën e ndërrimit të viteve.
