Tre persona janë plagosur si pasojë e një aksidenti rrugor ku u përplasën tre mjete. Ngjarja ndodhi rreth orës 20:20 të së hënës në autostradën Kavajë Durrës.
Sipas burimeve, në aksident janë përfshirë tre mjete, ndërsa të tre të dëmtuarit po udhëtonin në njërën prej tyre. Ata ndodhen në spital ku po marrin ndihmë mjekësore dhe janë jashtë rrezikut për jetën.
Ndërkohë, po zhvillohen hetime për zbardhjen e shkaqeve dhe rrethanave të përplasjes së makinave./abcnews.al
