Gjinjtë e fryrë, tendenca për të vjella, menstruacionet e vonuara – Këto janë simptomat më të njohura dhe të zakonshme të shtatzënisë. Por ka dhe të tjera që shumica prej nesh nuk i dinë.
Shije metalike në gojë
Së bashku me ndryshimet në shije që sjell shtatzënia përjetoni dhe një shije metalike, sikur të keni gjak në mishrat e dhëmbëve ose të prekni një monedhë. Kjo është një nga simptomat që jo të gjitha gratë kanë.
Rritja e temperaturës së trupit
Kur ovuloni, temperatura bazale – e matni atë në mëngjes para se të ngriheni nga shtrati – është ngritur pak, rreth gjysmë gradë Celsius. Nëse temperatura qëndron e lartë për ditët e ardhshme të ciklit tuaj, kjo mund të jetë një nga simptomat e hershme të shtatzënisë.
Nuk mund të ngriheni nga shtrati
Lodhja dhe përgjumja janë disa nga simptomat e shtatzënisë që do t’ju shoqërojnë që në ditët e para, kur ende nuk e keni idenë se çfarë po ndodh në trupin tuaj, deri në fund të tremujorit të parë. /abcnews.al
