Plot tre persona kanë rezultuar pozitivë me Koronavirus në testin e kësaj jave në klubin gjerman, FC Koln. Klubi i Bundesligës njoftoi në faqen zyrtare se tre persona (duke mos treguar nëse janë futbollistë apo pjesëtarë të stafit), kanë rezultuar pozitivë dhe janë karantinuar për 14 ditë.
Gjithsesi, klubi gjerman gjithashtu njoftoi se stërvitja nuk do të ndalojë dhe çdo gjë do të shkojë sipas planit. Gjasat janë se të infektuarit me Koronavirus të jenë pjesë e stafit teknik ose punëtorë të stadiumit.
Nuk mohohet mundësia që të prekurit të jenë dhe futbollistë, por fakti që stërvitja vazhdon, na bën të kuptojmë se lojtarët nuk janë prekur. Ndoshta, Koln ka treguar shembullin për t’u ndjekur në këtë situatë të vështirë pandemie./abcnews.al
After testing positive for the #coronavirus, three people at #effzeh are now in quarantine. The group training can continue as planned. All infos ? https://t.co/gu4iqJrCNR
— 1. FC Cologne (@fckoeln_en) May 1, 2020
