E ardhmja e Gigio Donnarummës me Milanin është në dyshim. Portieri i talentuar ka një kontratë deri në vitin 2021 dhe agjenti i tij, Mino Raiola, po refuzon propozimin e kuqezinjve për të zgjatur bashkëpunimin.
Tre klube janë të interesuara për shërbimet e 20-vjeçarit të kombëtares italiane: Juventusi, PSG dhe Real Madrid. E përditshmja Corriere dello Sport raporton se favoriti kryesor për blerjen e Donnarummës janë “Los Blancos”.
Spanjollët kanë avancuar bisedimet me agjentin e portierit dhe ndodhen në avantazh krahasuar me skuadrat e tjera. Nëse nuk vjen rinovimi deri në fund të sezonit, Milani do të jetë i detyruar të shesë një nga lojtarët më të mirë të skuadrës, pasi nuk mund të rrezikojë ta humbasë me parametra zero në fund të sezonit të ardhshëm. /abcnews.al
