Transportonte emigrantë të paligjshëm, arrestohet 19-vjeçari në Dibër

schedule14:21 - 18 Tetor, 2021

schedule 14:21 - 18 Tetor, 2021

Policia e Dibrës ka arrestuar një 19-vjeçar, i cili ishte shpallur në kërkim. Sipas uniformave blu është prangosur B.SH., 19 vjeç, banues në Kukës.

Ky i fundit në datë 4 tetor në segmentin rrugor Sllovë-Kala e Dodës-Kukës, është konstatuar nga shërbimet e policisë duke transportuar me një automjet furgon  13  emigrantë të paligjshëm, të cilëve iu kishte premtuar kalimin e kufirit kundrejt pagesës.

Njoftimi i policisë:

Kapet dhe ndalohet një shtetas i shpallur në kërkim për dhënie ndihmë për kalim të paligjshëm të kufirit, kundrejt shpërblimit.

Shërbimet policore të Seksionit për Hetimin e Trafikut të Paligjshëm në DVP Dibër, në bashkëpunim me Komisariatin e Policisë Dibër, në vijim të punë për parandalimin dhe goditjen  aktivitetit të  paligjshëm të dhënies ndihmë shtetasve të huaj për kalim të paligjshëm të kufijve kundrejt shpërblimit,  ndaluan  shtetasin e shpallur në kërkim  :

-B.SH., 19 vjeç, banues në Kukës.

Ky shtetas me datë 04.10.2021, në segmentin rrugor Sllovë-Kala e Dodës-Kukës, është konstatuar nga shërbimet e policisë duke transportuar me një automjet furgon  13  emigrantë të paligjshëm, të cilëve iu kishte premtuar kalimin e kufirit kundrejt pagesës.

Materialet procedurale  i kaluan Prokurorisë pranë Gjykatës së Shkallës së Parë Dibër  për veprime të mëtejshme.