“Gardiani” i portës së Kombëtares sonë, Etrit Berisha nisi një “aventurë” të re, në karrierën e tij, këtë verë që sapo lamë pas, teksa u transferua nga “demat” e Torino drejt skuadrës së Empoli, ku është kthyer në një lojtar kyç në formacionin titullar.
Këtë gjë e ka konfirmuar dhe vetë tekniku Aurelio Andreazzoli, i cili gjatë konferencës për shtyp në prag të përballjes së radhës nuk i kurseu elozhet për gardianin duke u shprehur se përveç aspektit sportiv, Berisha ka shumë vlera edhe në aspektin njerëzor.
“Prej momentit kur unë jam në këtë skuadër, Berisha është duke bërë një punë shumë të mirë. Është një person i jashtëzakonshëm edhe në dhomat e zhveshjes, është i rëndëishëm për ekipin. Bën shumë mirë punën e tij dhe për mua është një garanci ta kem në fushë”,- u shpreh Andreazzoli. /i.m /abcnews.al
