Pas shkarkimit të Ole Gunnar Solskjaer nga drejtimi i Manchester United, ka lënë këtë të fundit pa një trajner.
Në media po flitet se United dëshiron trajnerin, Erik Ten Hag, i cili po spikat me Ajax në Holandë dhe rrjedhimisht është një nga emrat më të lakuar për të marrë drejtimin e djajve të kuq për të zëvendësuar Solskjaer të larguar.
Në një intervistë për mediat Ten Hag, është shprehur se ai është i përqendruar vetëm te skuadra e Ajax dhe dëshiron t’iu japë një shembull futbollistëve të tij se duhet të jenë të fokusuar vetëm te klubi ku luajnë dhe çdo gjë tjetër për rreth s’ka kuptim.
“Jam shumë i përqendruar te Ajaxi dhe të gjitha gjërat e tjera, vetëm sa më shpërqendrojnë. Unë jam i pari që dua t’u jap shembullin futbollistëve të mi që të jenë të fokusuar vetëm te klubi i tyre Ajaxi dhe të mos mendojnë asgjë tjetër. Ju vazhdoni të më pyesni lidhur me këtë temë, por në drejtimin tim nuk kam dëgjuar zëra për Manchester United dhe kështu që nuk mund të mendoj për ta, por vetëm për Ajaxin”, deklaroi tekniku i Ajax. /f.a/abcnews.al
