Përplasja e trenave në Odisha të Indisë,(i njohur më parë si Orissa) mbrëmjen e së premtes përfshiu dy trena pasagjerësh dhe një tren mallrash.
Zyrtarët thanë se disa vagona nga Shalimar-Chennai Coromandel Express dolën nga shinat në distriktin Balasore, goditën një tren mallrash dhe disa nga vagonat e tij përfunduan në shinat e tjera.
Një tren tjetër, Howrah Superfast Express që udhëtonte nga Yesvantpur në Howrah më pas goditi vagonët e përmbysur.
BBC foli me dy fshatarë lokalë, të cilët ishin dëshmitarë të përplasjes, dhe një pasagjer të plagosur të trenit që po udhëtonte në Coromandel Express. Coromandel Express doli nga shinat dhe u përplas me trenin e mallrave.
Kishte kaos. Treni që vinte nga ana tjetër ishte Shalimar Express. Ai goditi [Coromandel Express] nga prapa. Dy nga vagonët dolën nga shinat. U dëgjua një shpërthim i fortë, dhe kishte tym.
“Ishte kaotike dhe njerëzit vraponin në të gjitha drejtimet. Isha afër shinave dhe vendosa të vrapoja në vendngjarje. Filluam të nxjerrim disa nga pasagjerët e bllokuar. Ne arritëm të nxjerrim disa nga të mbijetuarit dhe disa trupa gjithashtu.
Kishte aq shumë të plagosur, sa nuk dinim si t’i nxirrnim. Situate u lehtësua më shumë pas mbërritjes së ekipeve të shpëtimit.
Ata vazhduan punën gjatë gjithë natës,” tha një prej dëshmitarëve.
“Dëgjuam një zhurmë të fortë. Kur dolëm nga shtëpia, pamë aksidentin që kishte ndodhur. Kur arrita në vendin e ngjarjes, pashë shumë njerëz të plagosur, shumë njerëz kishin vdekur. Një fëmijë i vogël po qante, prindërit e të cilit ndoshta kishin vdekur. Edhe ai fëmijë vdiq më vonë.
Shumë njerëz kërkonin ujë. Njerëz nga fshati ynë erdhën dhe i ndihmuan me sa kishin mundësi,” tha një nga banorët.
Mukesh Pandey, një nga të mbijetuarit nga përplasja e trenave rrëfeu momentin tragjik.
“Isha në tren kur ndjemë një goditje dhe treni doli nga shinat. Më pas u dëgjua një zhurmë e madhe dhe treni u përmbys. Unë u bllokova dhe u shpëtova pas gjysmë ore nga banorët vendas.
Katër pasagjerë që udhëtonin nga fshati im kanë shpëtuar, por shumë njerëz janë të lënduar ose ende të zhdukur. Shumë njerëz vdiqën në autobusin me të cilin po udhëtoja. Ata që mbetën të plagosur rëndë, janë dërguar në spital tashmë,” përfundoi ai.
/abcnews.al
