Trafikonte klandestinë kundrejt pagesës, pranga 27-vjeçarit në Shkodër

SHKODËR- Një 27-vjeçar, shtetas azerbajxhanas, është arrestuar në Shkodër pasi po trafikonte klandestinë.

Ai u kap në flagrancë në vendin e quajtur “Ura e Hotit”, në fshatin Kastrat, duke shoqëruar 4 shtetas nga Afganistani.

Gjatë kontrollit fizik, 27-vjeçarit iu gjet një armë e ftohtë (thikë).

Nga hetimet dyshohet se 27-vjeçari ndihmonte emigrantë nga vendet e treta, që të kalonin ilegalisht kufirin tokësor me Malin e Zi, kundrejt pagesës./abcnews.al