Një varg i gjatë mjetesh kanë mbetur të bllokuara prej më shumë se dy orësh në rrugën Mamurras –Milot, para hyrjes në Rrugën e Kombit. Trafiku i rënduar ka bërë që mijëra drejtues mjetesh dhe udhëtarë të tjerë nëpër makina të qëndrojnë në pritje në diell, ndërkohë që temperaturat janë mjaft të larta.
Siç duket edhe në këto pamje të filmuara në mënyrë amatore nga udhëtarët që denoncuan në ABC News ketë bllokim rruge, radha e mjeteve është kilometrike.
Qytetari shprehet se shkak i këtij trafiku të rënduar është bërë vendosja e një mbikalimi.
Edhe më parë gjatë ditëve të Gushtit, në Rrugën e Kombit , por edhe në akse të tjera kryesisht drejt zonave turistike ka pasur fluks të madh dhe trafik të rënduar mjetesh. Kjo situatë i ka lodhur dhe stresuar qytetarët dhe drejtuesit e makinave që mbeten në këto situata të vështira në rrugë, shpesh herë me familje dhe fëmijë./ABC News Albania 24/7
