Një person ka vdekur dhe shumë të tjerë janë plagosur në La Chaux-de-Fonds, në veriperëndim të Zvicrës, pasi një stuhi e fortë goditi zonën dhe shkaktoi dëme të konsiderueshme.
Burri që u vra u shtyp nga një vinç në zonën e stacionit të trenit, tha policia e kantonit Nechatel.
Stuhia nuk zgjati shumë, por era e fortë shkaktoi dëme të konsiderueshme.
Sipas shërbimit meteorologjik të Zvicrës, ishte një tornado e kombinuar me një stuhi të masës ajrore që u krijua përgjatë vargmalit malor Jura dhe goditi La Chaux-de-Fonds, afër kufirit francez.
“Një erë prej 217 km/h u regjistrua në aeroportin La Chaux-de-Fonds këtë mëngjes”, tha MétéoSuisse në Twitter.
Operacioni i shpëtimit dhe heqjes së mbeturinave vazhdon. Policia u bëri thirrje banorëve të kenë kujdes të shtuar pasi rrezikohen nga rënia e pemëve apo çative. Autoritetet paralajmëruan gjithashtu se një stuhi tjetër pritet në Nechatelle dhe veçanërisht në La Chaux-de-Fonds dhe u bëri thirrje qytetarëve që të qëndrojnë brenda shtëpive të tyre dhe të shmangin daljen jashtë.
Automjetet u shkatërruan plotësisht, çatitë u hoqën nga shtëpitë dhe pemët u shkulën. Për shkak të motit të keq, në zonë ka probleme edhe me linjat e trenave.
Severe thunderstorms in Switzerland, a gust of 125 mph was recorded in the city of La Chaux-de-Fonds.pic.twitter.com/5amYWeVGtI
— Met4Cast (@Met4CastUK) July 24, 2023
Une probable #tornade associée à une cellule orageuse en rapide développement le long du Jura a touché la ville de la Chaux-de-Fonds en fin de matinée aujourd’hui, provoquant de violentes rafales de vent et d’importants dégâts. #MétéoSuisse #meteo pic.twitter.com/6KUOVntdm5
— MétéoSuisse (@meteosuisse) July 24, 2023
/abcnews.al
