Një tornado goditi qytetin Matador të Teksasit të mërkurën, duke vrarë katër persona dhe duke plagosur shumë të tjerë, ndërsa disa ndërtesa u dëmtuan.
Tornadoja e pazakontë u shoqërua me erë të fortë dhe goditi komunitetin e vogël prej 600 banorësh, sipas Departamentit të Zjarrfikësve të Lubbock, një nga disa agjenci të përfshira në operacionet e kërkim-shpëtimit në zonë.
Pamjet nga zona tregojnë shtëpi të shkatërruara dhe shtylla elektrike të rrëzuara. Gati 25 automjete të shërbimeve të urgjencës ndihmuan në ndriçimin e rrugës së errët në këtë video të publikuar nga departamenti i zjarrfikësve në Lubbock.
Shumica e klientëve në Motley County janë pa energji elektrike, sipas uebsajtit të specializuar PowerOutage.us. Energjia pritet të rikthehet të premten pasdite për shkak se një nënstacion është shkatërruar nga tornado.
Javën e kaluar, Perryton, Teksas u godit nga disa tornado që vranë të paktën tre persona dhe plagosën dhjetëra të tjerë. /abcnews.al
