Tomas Strakosha tregon sesi priti penalltinë ndaj Udinezes

19:00 | 18/04/201919:000

Tomas Strakosha tregoi sesi e priti penalltinë në ndeshjen ndaj Udinezes në Serinë A. Portieri shqiptar ishte vendimtar në fitoren e rëndësishme, ndërsa uroi Edi Rejën si trajner të kombëtares

Stadiumi gjysmë i boshatisur tregonte shumë.

Lacio nuk i kishte kënaqur plotësisht tifozët e saj, por më në fund i dhanë rast të gëzoheshin dhe t’i afroheshin Championsit, falë edhe një shqiptari.

Tomas Strakosha, portieri i kombëtares kuqezi, u bë sërish i rëndësishëm duke pritur penalltinë e Udinezes, gjuajtur nga De Pauli, që në minutat e para të pjesës së dytë.

Skuadra e tij po kryesonte 2-0 në ndeshjen e Serisë A, veçse një gol i pësuar mund të sillte edhe të papritura.

Pritja ishte me të vërtetë e shkëlqyer, edhe pse nuk ishte e para në karrierën e Strakoshës në kampionatin Italian.

Sezonin e kaluar, portieri shqiptar ndaloi Paulo Dibalën, duke i dhënë mundësi Lacios që të arrinte një fitore të madhe 2-1 ndaj Juventusit, brenda në finale.

Pas ndeshjes së fundit, 24-vjeçari doli përpara mediave.

“Unë gjithnjë i studioj sulmuesit, po ashtu edhe para sesa të gjuajnë penalltinë, – tha portieri, – Për fat, ia dola ta pres, dhe falë Zotit e fituam ndeshjen. Ishte fitore e merituar. “Dëshirën për të fituar e kemi gjithnjë, por ndodh që nuk ia del. Kemi humbur pikë të rëndësishme, por tani duhet të bëjmë më pak fjalë, dhe më shumë punë. Sot, Edi Reja u emërua trajner i Shqipërisë, dhe unë dua t’i uroj sukses në kombëtaren tonë”.

Lacio iu afrua në vetëm tri pikë largësi me zonën Champions, me vendin e katërt të mbajtur nga Milani, duke pasur 52 pikë kur duhen edhe 6 ndeshje për t’u mbyllur sezoni i Serisë A.

Fitorja ndaj Udinezes u arrit me golin e shënuar nga Felipe Kaisedo, dhe me autogolin e Sandros, që në minutat e para./abcnews.al

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono