Të ashtuquajturit “krokodilët e tmerrit” që kanë jetuar të paktën 75 milion vjet më parë, kanë mbetur një mister deri më tani. Por një studim i kryer dy vite më parë, që u publikua këtë javë tregoi se Deinosuchus – një lloj krokodilësh gjigandë, arrinin një gjatësi deri në 33 metra, sipas CNN.
Paleontologët ekzaminuan nofullat e fosilizuara të Deinosuchus, të cilët arritën në përfundimin se ata kishin dhëmbë me madhësinë e një bananeje. “Deri më tani, kafsha ishte e panjohur. Studimi i ri zbulon se ishte një grabitqar i çuditshëm, monstruoz, me dhëmbë me përmasat e bananeve”, tha autori kryesor i studimit, Adam Cossette, shkruan abcnews.al.
Emri Deinosuchus nënkupton “krokodilët e terrorit”, por autorët e studimit thonë se ato më shumë u ngjanin aligatorëve. Ekzistonin të paktën tre lloje Deinosuchus, që jetuan në perëndim të Amerikës nga Montana në Meksikën veriore dhe përgjatë vijës bregdetare të Atlantikut nga New Jersey në Mississippi, thanë studiuesit. /abcnews.al/
