Arijanet Muric është kthyer këtë verë te Manchester City dhe është më se e pritshme, që ai do largohet në huazim ose do shitet nga klubi sepse hapësirat te skuadra e Guardiolës për të janë thuajse zero.
Nga Turqia bëjnë me dije se portieri i Kosovës mund të transferohet në Turqi, tek Adana Demirspor. Pala e lojtarit dhe klubi janë në negociata të avancuara dhe ka shumë mundësi që gjithçka të mbyllet shpejt me sukses.
Muric në sezonin e fundit ishte i huazuar te Girona e më pas te Willem II. Ai ka kontratë me Manchester Cityn deri në verën e vitit 2024. Demirspor është skuadra më aktive në merkato në Turqi, teksa ka transferuar lojtarë si Balotelli apo Stambouli. /abcnews.al
