BRUKSEL- Shqipëria dhe Maqedonia e Veriut dhe janë dy vendet e para të Ballkanit Perëndimor, të cilat përfitojnë parafinancim sipas Planit të Rritjes së Bashkimit Evropian.
Pas kësaj ka reaguar edhe Komisionerja për Zgjerim, Marta Kos, e cila thotë se kjo do të nxisë dy vendet të vazhdojnë përpara me reformat kyçe për përmirësimin e jetës së qytetarëve dhe afrimin e tyre në familjen e madhe.
Congratulations to North Macedonia and Albania for setting the pace in the Western Balkans to receive pre-financing under the
Growth Plan!
This should fuel their implementation of key reforms to drive growth, improve citizens’ lives & bring the countries closer to the EU.
— Marta Kos (@MartaKosEU) March 24, 2025
“Urime Maqedonisë së Veriut dhe Shqipërisë për vendosjen e ritmit në Ballkanin Perëndimor për të marrë parafinancim sipas Planit të Rritjes së Bashkimit Evropian! Kjo duhet të nxisë zbatimin e reformave kyçe për të nxitur rritjen, përmirësimin e jetës së qytetarëve dhe afrimin e vendeve me BE-në”, shkruan ajo.
Kryeministri i vendit Edi Rama gjatë takimeve me qytetarët ka theksuar vazhdimisht se qëllim i Partisë Socialiste është përmbyllja e procesit të negociatave brenda 2027 dhe anëtarësimin e plotë të Shqipërisë në BE, brenda kësaj dekade/abcnews.al
