Tifozët e Manchester United janë të zemëruar me Premier League pasi ndeshja e së martës kundër Brentford u shty.
United pësoi një shpërthim Covid-19 pas fitores 1-0 të Premier League në Norwich në Carrow Road në fundjavë.
Burimet e klubit konfirmuan se një numër i vogël lojtarësh dhe stafi rezultuan pozitivë, gjë që çoi në mbylljen e terrenit stërvitor të Carrington për të parandaluar infeksionin e mëtejshëm.
Më pas u njoftua të hënën vonë në mbrëmje, rreth mesnatës, se ndeshja e “Djajve të Kuq” kundër Brentford ishte shtyrë.
“Manchester United mund të konfirmojë se ndeshja jonë në Premier League në Brentford FC, të martën më 14 dhjetor në ora 19:30, është shtyrë dhe do të riplanifikohet në kohën e duhur”, thuhet në deklaratën e klubit të United .
Shkaku më i madh i acarimit të tifozëve ka qenë orari i vonë i publikimit të lajmit se ndeshja nuk do të zhvillohej. /abcnews.al
