Princi i Belgjikës Joachim i Belgjikës ka kërkuar falje që shkeli rregullat e karantinës në Spanjë, por tashmë do të paguajë edhe një gjobë. Ai shkoi në një event të mbajtur ne qytetin jugor të Córdoba-s muajin e shkuar dhe aty u infektua me koronavirusin.
Tashmë, monarku do të paguajë një gjobë prej €10,400 eurosh si ndëshkim për thyerjen e rregullave të karantinës. Princi 28-vjeçar, nip i mbretit Filip të Belgjikës udhëtoi në Spanjë muajin e shkuar për atë që pallati e përshkroi si një “event familjar”.
Lexo edhe: U infektua me Covid-19 gjatë udhëtimit në Spanjë, princi i Belgjikës kërkon falje që theu karantinën
Më pas ai rezultoi pozitiv për Covid-19 dhe zyrtarëve të shëndetit u desh që të gjurmonin personat që kanë pasur kontakt me monarkun belg. Sipas raportimeve të mediave lokale, princi ka marrë një gjobë për mosrespektimin e karantinës 14 ditore dhe marrjen pjesë në dy mbledhje apo festa.
Nëse paguan brenda 15 ditëve, Joachim mund të shlyejë vetëm gjysmën e gjobës. /abcnews.al/
