Denis Pjeshka do ta vijojë karrierën në Durrës, me fanellën e Teutës. Mbrojtësi shkodran, i cili bëri një sezon të mirë me Flamurtarin vjet, është bindur nga oferta e “Djemve të Detit”.
Pjeshka luan në qendër dhe në të majtë të mbrojtjes dhe do të jetë një alternativë e mirë për trajnerin Edi Martini. Shkodrani numëron më shumë se 100 ndeshje në Superiore dhe është produkt i Vllaznisë.
Pas eksperiencës me kuqeblutë ai iu bashkua skuadrës së Laçit, por dëmtimet e penalizuar dhe luajti vetëm një ndeshje. Më pas kaloi te Flamurtari dhe u aktivizua në 26 përballje si titullar dhe shënoi dy gola. /abcnews.al
