Tetori i dedikohet letërsisë në Kolegjin “Turgut Ozal”. Me nismën “Dhuro një libër”, nxënësit nxiten të shfaqin talentin e tyre në fusha të ndryshme, si esetë, punimet me dorë, apo shkrime të ndryshme të pasqyruara në ambientet e kolegjit.
Mësuesja e letërsisë në këtë kolegj, Flora Çollaku thotë se këto aktivitete nxisin kreativitetin e nxënësve në fusha të ndryshme.
Orkida Jahaja, nxënëse e kësaj shkolle tregon për eksperiencën e saj në konkursin e eseve mes kolegjeve të ndryshme të këtij instituti arsimor. Këtë të enjte si pjesë e këtij aktiviteti që do të zgjasë gjithë muajin tetor, ishte e pranishme shkrimtarja Diana Çuli.
Nxënësit patën mundësi të bënin një bashkëbisedim me shkrimtaren, duke u njohur me eksperiencën e saj në botën e librave./ Abcnews.al
