Shumë njerëz janë rreshtuar në radhë të gjata për të dhuruar gjak për qindra të lënduar nga tërmeti në Marok.
Spitalet në Marrakesh po mbushen jo vetëm me ata që u plagosën rëndë në qytet, por edhe me të lënduar që janë shpëtuar nga fshatrat e largëta në malet Atlas më afër epiqendrës.
Mes atyre që janë rreshtuar për të dhënë gjak janë turistë të huaj të tërhequr nga arkitektura historike e Marrakesh.
“Ne jemi të lumtur që shohim turistë të huaj të bashkohen për të dhënë gjak pas kësaj ngjarje të dhimbshme”, tha Mahmoud Abghach, drejtori i një qendre të dhurimit të gjakut.
“Ne kemi nevojë për çdo pikë gjaku”, tha ai.
Qindra njerëz konfirmohen të plagosur, të paktën 205 në gjendje të rëndë. /abcnews.al
