Loading ...
Kryeministrja e Japonisë, Sanae Takaichi, tha se 13 persona kanë vdekur pas tërmetit me magnitudë 6.8 ballë që goditi ishullin Kyushu në jug të vendit të martën, sipas mediave lokale.
Tërmeti ka shkaktuar shkatërrime të shumta, duke plagosur dhjetëra njerëz, duke bllokuar një numër njerëzish brenda një qendre tregtare dhe duke lënë dhjetëra mijëra shtëpi pa energji elektrike.
Përpjekjet e shpëtimit janë ende në vazhdim, ndërsa më shumë se 260,000 njerëzve u është këshilluar të evakuohen, shumica e tyre në Prefekturën Kumamoto, por edhe në Prefekturën fqinje Nagasaki, tha Agjencia e Menaxhimit të Zjarrfikësve dhe Fatkeqësive.
Takaichi tha: “Ka njerëz që ende presin të shpëtohen dhe është një garë me kohën. Do të bëjmë çmos për të gjetur dhe shpëtuar sa më shumë njerëz që të mundemi.”/abcnews.al
