Britania tha se tërheqja e Rusisë nga i vetmi kryeqytet rajonal në Ukrainë që kishte pushtuar që nga fillimi i pushtimit të saj në shkurt ishte një tjetër poshtërim për ushtrinë e saj, por Moska vazhdon të përbëjë një kërcënim.
Në një deklaratë së fundmi, Wallace tha se tërheqja e forcave pushtuese të Vladimir Putin nga qyteti kyç i Khersonit shënon “një tjetër dështim strategjik” pasi Rusia dështoi të arrijë asnjë nga qëllimet e saj kryesore përveç marrjes së qytetit.
“Tërheqja e njoftuar e Rusisë nga Kherson shënon një tjetër dështim strategjik për ta. Në shkurt, Rusia nuk arriti të marrë asnjë nga objektivat e saj kryesore përveç Khersonit. Tani me dorëzimin e kësaj, njerëzit në Rusi duhet të pyesin me siguri veten për çfarë ishte e gjithë kjo situatë”, theksoi Wallace.
“Ushtria ruse ka shënuar shumë viktima si rezultat i pushtimit të saj të paligjshëm dhe ka arritur vetëm izolimin dhe poshtërimin ndërkombëtar”, ndërsa shtoi se “Mbretëria e Bashkuar dhe komuniteti ndërkombëtar do të vazhdojnë t’i mbështesin ata, dhe ndërsa tërheqja është e mirëpritur, askush nuk do të nënvlerësojë kërcënimin e vazhdueshëm që vjen nga Federata Ruse”.
/abcnews.al
