Një person është plagosur nga roja i parkingut pasi së bashku me një person tjetër ka tentuar të vjedhë makineritë e gazsjellësit.
Policia ka njoftuar se rreth orës 23:00 të së premtes Shefit Muço, 57 vjeç dhe Arjan Xhanari, 18 vjeç, kanë tentuar të vjedhin naftë në makineritë e parkuara në objektin e gazësjellësit në fshatin Mbrakull.
Por ata janë pikasur nga roja i objektit, Klodian Salillari, 38 vjeç, i cili ka qëlluar me armë gjahu në drejtim të tyre. Për pasojë ka mbetur i plagosur Shefit Muço. Mësohet se ai ndodhet jashtë rrezikut për jetën.
38-vjeçari Salillari pas kësaj ngjarjeje është larguar dhe ka fshehur armën e gjahut në banesë, por u gjet gjatë një kontrollit të ushtruar nga policia, ku u sekuestrua një pushkë gjuetie dhe 17 fishekë.
Në prangat e policisë ranë dy grabitësit Muço dhe Xhanari si dhe Klodian Salillari.
Mbi Klodian Salillarin rëndon akuza e “Plagosje e rëndë me dashje“ dhe “Mbajtja pa leje e armëve të gjahut dhe sportive“, ndërsa për dy grabitësit rëndon vepra penale e “Vjedhje e mbetur në tentativë, kryer në bashkëpunim”./abcnews.al
