Një 48-vjeçar në Korçë është vënë në pranga pasi tentoi që të trafikonte lëndë narkotike drejt Greqisë. Bëhet e ditur se Policia Kufitare, gjatë patrullimit në kufirin e gjelbër në fshatin Kapshticë kanë pikasur në largësi dy qytetarë që u bënë shenjë që të ndalonin.
Sipas policisë, ata nuk u bindën dhe u larguan me vrap drejt zonës së pyllëzuar, ku hodhën edhe dy pako me peshë 5.4 kg kanabis. Në flagrancë për trafikim narkotikësh në bashkëpunim u arrestua F. Q., 48 vjeç, banues në Korçë.
Rezulton se 48-vjeçari ka transportuar me një automjet tip “Benz” dy personat e përmendur më sipër nga Tirana në drejtim të “Luginës së vogël” së bashku me lëndën narkotike.
Gjithashtu policia në Pogradec ka arrestuar një 23-vjeçar pasi gjatë kontrollit që iu bë në lagjen nr.1 iu gjetën pesë doza kokainë, 20 doza kanabis dhe një dorezë metalike, të cilat u sekuestruan. s.b/abcnews.al/
