Loading ...
Egnatia ka ambicie dhe objektiva të mëdha për sezonin e ardhshëm. Ekipi nga Rrogozhina do të tentojë rikthimin në Kategorinë Superiore dhe sot ka zyrtarizuar dy afrime të rëndësishme: në stol dhe në sulm.
Drejtuesit kanë arritur akordin me Gugash Maganin dhe peqinasi do të jetë trajneri i ri i skuadrës. 55-vjeçari është një emër i njohur, teksa sezonin e kaluar drejtoi Besën e Kavajës në Kategorinë e Parë. Trajneri nuk do të vijë vetëm dhe do të punojë bashkë me Artur Maganin, djalin e tij.
26-vjeçari luajti me Ballkanin në IPKO Superligë sezonin e kaluar dhe pak ditë më parë ndërpreu bashkëpunimin me klubin nga Suhareka. Ai ka zgjedhur të rikthehet në Shqipëri, është gati të ndihmojë Egnatian me golat e tij dhe do të punojë sërish më babanë. /abcnews.al
