Ish- drejtoresha e ARRSH Sonila Qato është paraqitur sot në ambientet e SPAK lidhur për hetimet për tenderin e rrugës Kardhiq-Delvinë.
Mësohet se Prokuroria e Posaçme kundër Korrupsionit e krimit të Organizuar i ka komunikuar akuzën për Shpërdorim detyre.
Qato dha dorëheqjen nga posti i drejtoreshës së Autoritetit Rrugor Shqiptar më 19 shtator.
Lexo edhe: Ish-drejtoresha e ARRSH-së, Sonila Qato flet pas daljes nga SPAK: Pse më thirrën…
Kontrolli i Lartë i Shtetit e kallëzoi për ndjekje penale në Prokurori ish drejtoren e Autoritetit Rrugor për abuzim 5 milionë euro me tenderin e rrugës Kardhiq- Delvinë.
Pas auditimit të tenderit, KLSH kërkoi hetim te thelluar penal ndaj zonjës Qato duke e akuzuar se ka s’kualifikuar pa të drejtë ofertën më të ulët të paraqitur nga një kompani.
/abcnews.al/
