Ish-shefi i financës Gëzim Allkushi në spitalin e Tepelenës do të qendrojë në burg. Gjykata Gjirokastrës caktoi për të masën e sigurisë arrest me burg. Në burg do të qëndrojë edhe specialisti i statistikës Sajmir Meçe.
Kurse ish-juristja Aleksandra Kada dhe ish specialistja e burimeve njerëzore Jonida Sako në arrest shtëpi. Të njëjta masa ka kërkuar edhe prokuroria.
Katër ish zyrtarë të spitalit të Tepelenës janë arrestuar pasi në vitin 2017 kanë bërë një tender fiktiv për pajisje spitalore. Sipas policisë këta persona kanë përvetësuar një shumë të konsiderueshme lekësh.
Ata akuzohen për vjedhje dhe shpërdorim detyre, si dhe falsifkim dokumentesh. /abcnews.al
