Ka shkuar në 78 numri i personave të arrestuar në Tiranë në kuadër të operacionit antidrogë “Tempulli 23”. Një 26 vjeçar, i cili ishte shpallur në kërkim, është vetëdorëzuar në polici. Ndaj tij gjykata e Tiranës kishte dhënë masën “Arrest në burg”, për veprën penale “Prodhimi dhe shitja e narkotikëve”.
Më parë, gjatë këtij operacioni, janë sekuestruar 14 kg kanabis, 5.3 kg kokainë, 170 gram heroinë, 11 peshore elektronike, 4 armë zjarri pistoleta, 1 automatik, 70 celularë, 11 automjete, 2 186 000 lekë, 11 610 euro dhe 630 paund. Vijon puna për kapjen e personave të tjerë në kërkim./abcnews.al
