Televizioni shtetëror serb njeh Kosovën: Tërbim në rrjetet sociale

schedule14:04 - 21 Tetor, 2020

schedule 14:04 - 21 Tetor, 2020

Televizioni publik i Serbisë (RTS) në një shkrim të publikuar rreth caktimit të datës së zgjedhjeve të jashtëzakonshme për Podujevën dhe Mitrovicën e Veriut, i është referuar Kosovës si Republikë.

“Presidenti i Republikës së Kosovës…”, shkruhet në fillimin e përshkrimit që media në fjalë i ka vendosur artikullit.

Kaq u desh që të reagonin edhe mediat e tjera serbe që njihen për propagandë anti-shqiptare dhe qasje sistematike kundër Republikës së Kosovës.

“Skandali në RTS që e ngriti Serbinë në këmbë. Të gjithë janë në shok për shkak të kësaj gjëje të tmerrshme në lidhje me Kosovën në Shërbyesin Publik”, shkruan “Pravda”.