Elseid Hysaj dhe Napoli në verë me shumë mundësi do të ndajnë rrugët. Mbrojtësi i kombëtares shqiptare është nën kontratë deri më 30 qershor dhe bisedimet për rinovimin e marrëveshjes nuk janë konkretizuar ende.
Shkodrani, pas ndeshjes gjysmëfinale të Kupës së Italisë kundër Atalantës, foli për Rai Sport dhe ishte i qartë: “Unë duhet të respektoj kontratën deri në fund të sezonit dhe pastaj të mendoj për të ardhmen.
Shpresoj që ta përfundojmë kampionatin në mënyrën më të mirë. Unë jam shumë i përqendruar tek Napoli. Jam pjesë e këtij prej shumë vitesh dhe nuk mendoj për asgjë tjetër”. Hysaj kaloi te Napoli nga Empoli, për shumën e 6 milion eurove, verën e vitit 2015 dhe prej atëherë numëron më shumë se 150 ndeshje në Serie A. /abcnews.al
