Ushtria britanike nuk do të jetë në gjendje të luftojë kundër trupave ruse për më shumë se dy muaj, ka pranuar zëvendësshefi i Shtabit të Mbrojtjes së Britanisë së Madhe, gjeneral Sir Rob Magowan, sipas Telegraph.
Sipas tij, në luftërat e ardhshme të mundshme, forcat e armatosura britanike do të duhet të përballen me “rrezikun operacional” që lidhet me mungesën e burimeve të nevojshme.
Deklarata e mësipërme vjen pasi Sekretari britanik i Mbrojtjes, Grant Shapps u tha deputetëve se kishte lobuar për më shumë para për mbrojtjen por kishte dështuar.
Shapps foli për nevojën e menjëhershme për të rritur fondet në 2.5% të buxhetit, siç ka premtuar Sunak të bëjë në të ardhmen.
Kjo perspektivë nuk mjafton për forcat e armatosura britanike.
“Ne e kemi bërë shumë të qartë se shuma e parave që shpenzojmë aktualisht për municione që është e rëndësishme nuk përputhet, në përgjithësi, me kërcënimet me të cilat përballemi,” tha Zëvendës Shefi i Shtabit të Britanisë.
“Është gjithashtu e qartë se ne duhet të shpenzojmë më shumë para, përtej programit që kemi, për atë që ne e quajmë mbrojtje gjithëpërfshirëse raketore”, tha ai.
/abcnews.al
