Violinisti i njohur Tedi Papavrami në një intervistë për Abc News rrëfen detaje rreth koncertit të së hënës me sonatat e Beethovenit. Nga ana tjetër, artisti tregon edhe momentet e përkthimit në frëngjisht të veprës së Ismail Kadaresë “Kur sunduesit grinden”.
Virtuozi i violinës Tedi Papvrami, rikthehet , pas shumë vitesh tek fillesat e formimit si artist, në Liceun Artistik “Jordan Misja”, në sallën e re të koncerteve “Toni Arapi”.
Ai bën testin e sallës së re dhe i duket e mirë në aspektin akustik.
Notat e nostalgjisë janë të forta, e madje ushqim i domosdoshëm për një artist.
Violinisti Tedi Papavrami dhe pianisti François Frederic Guy do sjellin për publikun sonatat 2, 7 dhe 10 të Beethovenit. Të cilat do të sjellin gjendje të ndryshme emocionale në koncertin e së hënës. Tedi Papvrami, veçon pikërisht krijimin e fundit të Beethovnit, ngjizur prej gjeniut, kur ai humbi thuajse tërësisht dëgjimin.
Publiku shqiptar gjithnjë e frymëzon artistin në interpretim.
Letërsia dhe përkthimi e kanë shoqëruar prej vitesh, Papavrami, tashmë ai po i jep frymë në frëngjisht veprës së fundit të Ismail Kadaresë, “ Kur sunduesit grinden”.
Për Tedi Papavramin, kjo vepër ka nota autobiografike. Ai jep opinionin e tij lidhur mes marrëdhënies se artistit me diktaturën.
Stili i të shkruarit në këtë vepër sipas tij është me lakonik , apo dritare, e kjo i shton vështirësi në përkthim.
Ciklin përmbyllës të sonatave të Beethoven do i realizoi vitin e ardhshëm me sonatat 5, 8 dhe 9
Violinisti Tedi Papavrami dhe pianisti François Frederic Guy bashkëpunojnë prej 10 vitesh, ata kanë publikuar 3-CD-i me veprën e plotë për violinë edhe për pianot Beethoven./ABC News Albania 24/7
