Një ditë pas mbërritjes së vaksinave AstraZeneca, do të nisë në vend vaksinimi i mësuesve. Gazetarja Ema Shazivari raporton për ABC se ditën e shtunë do të nisë vaksinimi i mësuesve në Tiranë dhe më pas në qytetet e tjera. Përgatitja e listave ka nisur që prej ditës së sotme.
Në total ditën e nesërme mbërrijnë në vend 38 400 doza vaksinash nga AstraZeneca, ndërsa vaksinimi i mësuesve do të bëhet në shkolla.
Por si është plani, si do të përzgjidhen mësuesit që do të vaksinohen të parët? Shefja e Programit Kombëtar të Vaksinimit, Erida Nelaj tha në Radarin Informativ përballë Jonida Shehut shjegoi procedurat që do të ndiqen.
“Grupi i mësuesve në bashkëpunim me drejtorinë arsimore, do të paraqitet te qendrat shëndetësore që mbulojnë shkollat. Mund të fillohet me shkolla të caktuara. Do të fillohet gradualisht. Mund të fillohet me moshat më të larta, do të zbardhen të gjitha këto” përfundoi ajo./mv.abcnews.al
