Policia ka dhënë detajet zyrtare në lidhje me të shtënat që u regjistruan pak para mesdite në Shkodër. Njoftohet se ngjarja ndodhi rreth orës 11:50, në lagjen “Skenderbeg”, Shkodër, në afërsi të një pike karburanti.
Persona të paidentifikuar kanë qëlluar në drejtim të automjetit që drejtohej nga 30-vjeçari Taulant Pepaj, banues në lagjen “Skenderbeg”, Shkodër. Nga të shtënat nuk ka asnjë preson të lënduar.
Tashmë në vendin e ngjarjes ndodhet policia Shkodër dhe FNSh që janë vënë në ndjekje të autorëve. Njëkohësisht janë ngritur pika kontrolli në të gjitha hyrje-daljet e qytetit dhe vijon krehja e zonës për kapjen e autorëve të dyshuar.
Në vendngjarje ndodhet grupi hetimor dhe nën drejtimin e Prokurorisë së Rrethit Gjyqësor Shkodër po vijon veprimet për sqarimin e rrethanave të ngjarjes.
