Të dhënat e sotme nga Shërbimi Veterinar Fier bëjnë të ditur për ABC ditën e sotme, se çështja e fermës së shpendëve të fshatit Mizë Divjakë, konsiderohet e mbyllur prej specialistëve veterinar.
Sipas tyre, ka dalë rezultati përfundimtar i analizave mbi shpendët e ngordhur, është bërë dezinfektimi i të gjithë zonës, groposja e shpendëve dhe venia nën karantinim i fermës. Po sot, burimet ritheksuan se rasti i fermës së shpendëve të Ardian Bakiu është një rast i veçuar, që nuk ka shkaktuar pasoja në zona të tjera të fshatit.
Sipas tyre bëhet fjalë për një numër të konsiderueshëm rikash të vogla të cilat Ardian Bakiu i merrte nga zona të ndryshme të vendit dhe i rriste në rezervuarin ujor në territorin e fermës së tij.
Pyetjes tonë nëse ka pasur raste të infektimit të personave të tjerë në fshatit Mizë, veterinere pranë Shërbimit veterinar Fier thanë për ABC, se nuk mund të themi asgjë për njerëzit, por dimë që prej disa ditësh veterinere të Shërbimit Fier janë në kontakt të vazhdueshëm me këtë fermë, me Ardian Bakiu, por asnjë prej veterinere të nuk është infektuar.
Edhe sot, burimet ritheksuan se infeksioni i rënë mbi këtë fermë është një infeksion i zakonshëm shpendësh, por jo inflamator. /abcnews.al/
