Loading ...
Të martuar prej vitesh, por Kim Kardashian dhe Kanye West kur vjen puna tek biznesi i kanë rrugët e ndara. Mediat e huaja raportojnë se reperi amerikan ka nisur punën për të krijuar linjën e tij kozmetike.
Siç raporton TMZ, duket se reperi do të zgjerojë markën e tij Yeezy, dhe po bëhet gati për t’u futur në tregun e produkteve të bukurisë dhe kujdesit për lëkurën.
Përpjekjet e tij për të nisur një linjë kozmetike nisën që në vitin 2017, kur ai aplikoi për të hapur linjën me emrin e mamasë së tij Donda, por planet u shtynë për t’u realizuar tre vite më vonë.
Padyshim që reperi është frymëzuar nga gruaja e tij, Kim Kardashian dhe motra e saj Kylie Jenner, të cilat kanë qenë jashtëzakonisht të suksesshme me linjat e tyre të produkteve të bukurisë. /abcnews.al
