E kanë nisur sezonin në mënyrën më të mirë të mundshme, pavarësisht se golat nuk kanë qenë të shumtë.
“Të Kuqtë” e Liverpool kanë siguruar pasditen e kësaj të diele fitoren e dytë radhazi në Premier League, teksa kanë mundur me rezultatin e pastër, 2-0 skuadrën e Brentford.
Nga një gol në secilën pjesë fillimisht nga “fantazisti” kolumbian, Luis Diaz, në minutën e 13′-të e më pas nga “faraoni” Mohamed Salah, në minutën e 70′ mjaftuan për t’i dhuruar teknikut Arne Slot, fitoren e dytë radhazi.
Tashmë, “Të Kuqtë” e Liverpool bëhen gati për përballjen e radhës në kampionat, “klasiken” e madhe angleze kundër “Djajve” të Manchester United. /i.m /abcnews.al
