Një debat i ashpër u zhvillua në emisionin “Presing” në Abc News, mes presidentit të Skënderbeut, Takaj, dhe ish-Sekretarit të Përgjithshëm të Federatës, Eduard Prodani. Takaj e akuzoi Prodanin si armik të klubit korçar.
Nuk do të përfundojnë shpejt polemikat pas një ngjarjeje të tillë. Konfirmimi i dënimit të Skënderbeut nga KAS-i në Lozanë ka sjellë akuza të reja në Korçë e
Tiranë, ndërsa presidenti Ardian Takaj, tregon me gisht një tjetër personazh, ish-Sekretarin e Përgjithshëm të FSHF-së.
Kjo ndodhi në një ndërhyrje telefonike në emisionin “Presing” në Abc News, ku Prodani ishte në studio, dhe Takaj e akuzoi për lidhje me Eduard Dervishin, drejtuesin e lartë të Federatës Spanjolle.
Prodani, që ka qenë edhe ish-drejtues i lartë i Partizanit, reagoi menjëherë. Takaj nuk e la me kaq, por bëri një tjetër aludim të tërthortë për Prodanin.
Prodani vendosi të mos fliste për këtë gjë, duke e quajtur gjë të sqaruar, ndërsa e quajti si detyrë që të sqaronte pozicionin e z. Dervishi.
Pyetja e fundit për Takajn, ishte ajo për të cilën shqetësohen tifozët korçarë, do të mbetet apo do të largohet nga Skënderbeu?
Gjykata e Arbitrazhit Sportiv konfirmoi dënimin 10-vjeçar të dhënë nga UEFA për Skënderbeun, dhe gjobën prej 1 milionë eurosh, pas akuzave për trurin ndeshjesh në Evropë./ABC News Albania 24/7
