Valentino Rossi është një nga sportistët më të mëdhenj në histori dhe një legjendë e MotoGP. Italiani është shpallur shtatë herë kampion bote, por mosha që kalon dhe rivalët e fortë bëjnë të veten. Rossi mbush 41 vjeç në shkurt dhe Yamaha zyrtarizoi pak ditë më parë se dyshja e pilotëve për Botërorin e vitit 2021.
Ata do të jenë Maverick Vinales dhe Fabio Quartararo, me këtë të fundit që i zë vendin pilotit italian. Rossi ka folur për Ansa rreth së ardhmes së tij, aty ku deklaron se mund të tërhiqet nga bota e motoçiklizmit në fund të këtij Botërori.
“Nga njëra anë ishte e vështirë për të marrë vendimin e ndarjes me Yamaha në 2021, por në të njëjtën kohë nuk ishte edhe kaq e vështirë, pasi nuk dua të vazhdoj më nëse nuk jam kompetitiv. Kërkova mbështetje nga Yamaha, ata u përgjigjën pozitivisht nëse do të vazhdoj të garoj edhe pas Botërorit të vitit të ardhshëm.
Objektivi im i parë është që të garoj deri në vitin 2021. Yamaha Petronas është një skuadër fantastike dhe kanë treguar se janë në nivel të lartë dhe shumë të fortë. Kështu që, nëse kaloj te Yamaha Petronas, nuk do të ndryshonte shumë për mua“, deklaron Valentino Rossi. /abcnews.al
