Andrea Agnelli nuk dorëzohet. Presidenti i Juventusit ka ritheksuar, në një intervistë për gazetën ‘La Reppublica’, qëllimin e tij për të vazhduar me projektin e Superligës së Europës, pavarësisht nga vështirësitë që ata kanë hasur në orët e fundit, veçanërisht pas largimit të 6 klubeve të Premier League.
Agnelli siguron prerazi në gazetën italiane se ka një pakt gjaku midis klubeve dhe ne vazhdojmë përpara. Si pas tij “ky projekt do të jetë tërësisht i suksesshëm”.
Kreu i klubit torinez gjithashtu shpjegon: “Ne mbajmë një dialog të hapur me institucionet e FIFA-s dhe UEFA-s. Ajo që ne po bëjmë është krejtësisht e ligjshme. Ne jemi duke ushtruar një liri të parashikuar në Traktatin e BE-së”.
Agnelli këmbëngul se Superliga është një kampionat i hapur. “Janë pesë vende të lira dhe Superliga adreson problemin më të madh në industrinë e futbollit, që është mungesa e stabilitetit. Është koha për të vepruar”.
Lidhur me UEFA, ai pohon: “Ajo menaxhon të drejtat tona, i shet ato, vendos sa do të na rishpërndajë dhe gjithashtu na rregullon. Pa u përballur me rreziqe ekonomike. FIFA dhe UEFA bëjnë të ardhura të mëdha nga lojtarët tanë, por ata nuk na kanë ndihmuar në mes të krizës. Ata duhet të zgjedhin: ose janë rregullatorë ose nxitës komercialë”.
“Në Gjermani, Bayern ka tetë tituj radhazi. Në Francë ka hegjemoni, në Spanjë duopol Barça-Real dhe në Itali, në njëqind vjet, 80 kampionate janë fituar nga Juventusi, Milani dhe Interi.
Kështu që ambicia e ekipeve të vogla është e ligjshme, por ne kemi një statistikë njëqindvjeçare”, shprehet ai në lidhje me mospërfshirjen e klubeve si Sevilla, Atalanta apo Ajax. Në fund, në lidhje me reagimin e lojtarëve të Juventusit, ai tregon: “Ata më pyetën kur fillon”. /abcnews.al
