Janë luajtur ndeshjet e javës së tetë të kampionatit “Abissnet Superiore” për vajza 2023-2024.
Kryesfida e javës Vllaznia – Apolonia përfundoi me fitoren e shkodraneve 2-1 që vijojnë të kryesojnë renditjen me pikë të barabarta me Tiranën. Në anën tjetër vajzat bardheblu triumfuan me rezultatin e thellë 6-0 në derbi ndaj Kinostudios.
Vajzat e Partizanit mundën 5-0 vajzat e Laçit në takimin e luajtur në “Arenën e Demave”. Vajzat e kuqe shfrytëzuan hapin fals të Apolonisë dhe tani renditen në vendin e tretë me 18 pikë.
Skënderbeu regjistroi fitoren e parë të sezonit pasi mundi Teutën në shtëpi me rezultatin 4-2, ndërsa Gramshi fitoi 2-0 ndaj Lushnjes.
Rezultatet e javës së tetë të Superiores për vajza:
Tirana – Kinostudio 6-0
Partizani – Laçi 5-0
Skënderbeu – Teuta 4-2
Gramshi – Lushnja 2-0
Vllaznia – Apolonia 2-1 /FSHF
