Kryeministri i ri i Britanisë Rishi Sunak u zotua të rikthejë besimin në politikën britanike në fjalimin e tij të parë pas marrjes së detyrës, duke vënë në dukje gjithashtu se nevojat e qytetarëve do të jenë primare.
“Për momentin vendi ynë po përballet me një krizë të thellë ekonomike”, tha Sunak, duke vënë në dukje ndikimin e pandemisë Covid-19.
Ai më pas iu referua ish-kryeministres Liz Truss, e cila dha dorëheqjen nga detyra të enjten e kaluar, duke thënë se kishte të drejtë që dëshironte të përmirësonte rritjen ekonomike.
Sunak gjithashtu theksoi se e admironte përkushtimin e saj për të bërë reforma, por theksoi se ishin bërë disa gabime. Përveç kësaj, ai tha se u zgjodh kryeministër pjesërisht për të korrigjuar gabimet e Truss dhe se procesi po fillon menjëherë.
Ai theksoi gjithashtu se e presin “vendime të vështira”, duke theksuar se nuk do ta lërë brezin e ardhshëm të zgjidhë problemin e borxhit.
Duke iu drejtuar qytetarëve që po përballen me një rritje të çmimeve të energjisë dhe ushqimeve, Sunak, i cili është një nga politikanët më të pasur në Parlamentin Britanik, tha se e kupton plotësisht se sa e vështirë është situata për shumë britanikë.
“Gjithçka që mund të them është se nuk frikësohem. Unë e di përgjegjësinë që kam pranuar të marrë dhe shpresoj të përmbush kërkesat e saj”, tha ai.
“Kështu që unë jamë këtu para jush, gati për të udhëhequr vendin tonë në të ardhmen. Të vendos nevojat e tuaja mbi politikën për ndërtimin e një qeverie që përfaqëson traditat më të rëndësishme të fraksionit tim.
Së bashku mund të arrijmë gjëra të mëdha”, tha ai.
/abcnews.al
