Aeroporti i Makhachkala, kryeqyteti i republikës ruse të Dagestanit, u mbyll sonte pasi një numër i madh protestuesish e sulmuan atë kur u njoftua se një avion nga Izraeli do të ulej atje.
Sipas mediave ruse Izvestia dhe RT, disa burra hynë me forcë në aeroport dhe u ngjitën në çatinë e terminalit, ndërsa të tjerët arritën në pistë. Videot e postuara në platformën Telegram tregojnë dhjetëra njerëz që hapin me forcë portat e terminalit dhe të tjerë që përpiqen të kontrollojnë makinat që largohen nga aeroporti. Në një video një burrë është ngjitur në krahun e një avioni të kompanisë ruse Red Wings.
Faqja e specializuar Flightradar raportoi se një fluturim i kësaj kompanie, me origjinë nga Tel Avivi, u ul në orën 19.00 me orën lokale. Media e pavarur ruse Sota raportoi se ishte një fluturim transit që do të nisej sërish në orën 21:00, duke vazhduar udhëtimin për në Moskë.
Aktualisht nuk dihet nëse avioni mbetet në pistën e aeroportit dhe në çfarë gjendje janë pasagjerët e tij.
Shumë prej protestuesve, përpara se të hynin në terminal, tentuan të kontrollonin pasaportat e njerëzve që dilnin nga aeroporti, duke kërkuar mes tyre shtetas izraelitë. Njëri prej tyre mund të shihet në një video duke mbajtur një pankartë me sloganin “Vrasësit e fëmijëve nuk kanë vend në Dagestan”, ndërsa të tjerët thërrasin “Allah akbar”.
Më herët gjatë ditës së sotme, ministri çeçen i informacionit, Akhmed Dudaev, bëri thirrje për “qetësi” dhe bëri thirrje që “provokimet” të shmangen pasi atmosfera në Kaukazin e Rusisë është e tensionuar.
“Ajo që po ndodh tani në Makhachkala është e keqe. Shumë, shumë keq”, komentoi Margarita Simonyan, drejtoresha e kanalit RT, në Platformën X.
Insane footage on Russian social media from Makhachkala in the North Caucasus region, where there have been several anti-Semitic protests this weekend.
A crowd of people, some with Palestinian flags, broke into the airport in search of passengers on a flight from Tel Aviv. pic.twitter.com/MZxyvxi6T3
— max seddon (@maxseddon) October 29, 2023
Some of them tried to storm the plane, per Izvestia https://t.co/js5uaaYkSg pic.twitter.com/bwJuMGH57g
— max seddon (@maxseddon) October 29, 2023
Remarkable to see security forces in Russia standing by for so long. By now, according to Baza, police in Makhachkala have chased them off the runway and outside the airport, where they are now protesting. The airport is closed https://t.co/vbLuNCKixh pic.twitter.com/2GViThdUeg
— max seddon (@maxseddon) October 29, 2023
