Flota ruse e Detit të Zi dikur konsiderohej e frikshme, por tani si pasojë e sulmeve në rritje të Ukrainës, Moska i është rikthyer strategjisë së Luftës së Parë Botërore.
Pavarësisht mungesës së një marine, Ukraina ka arritur të nisë një sërë sulmesh të suksesshme, duke përfshirë sulme në selinë e flotës ruse të Detit të Zi në Sevastopol në shtator dhe në anijen e saj, Moskva, prillin e kaluar.
Sky News ka zbuluar se Rusia ka lyer pesë nga anijet e flotës, duke përfshirë anijen Admiral Makarov, gjatë dy muajve të fundit në atë që analistët thonë se është një përpjekje për të mbrojtur flotën.
Flota e Detit të Zi (BSF) ka rreth 30 anije luftarake dhe është e vendosur kryesisht në Sevastopol në Krimenë e pushtuar.
Sipas raportit, pjesa e pasme e pesë anijeve luftarake, duke përfshirë Admiral Makarov, ishin lyer me ngjyrë blu ose të zezë midis 26 majit dhe 4 korrikut të këtij viti.
Ekspertët spekulojnë se puna e lyerjes së Makarov u bë për të shpërqendruar vizualisht kërcënimet ukrainase dhe për t’i bërë anijet të dukeshin më të vogla. Ukraina është mburrur me përdorimin e dronëve detarë, dronët mbajnë eksplozivë dhe lëvizin në sipërfaqen e ujit, të cilat janë përdorur në sulmet në Krime.
Studiuesit kishin vënë në dukje se anija Admiral Essen e lyer mund të shihej edhe në imazhet satelitore. Anija përmban një raketë me bazë tokësore 8 Kalibr, e cila është përdorur rregullisht kundër Ukrainës gjatë luftës.
Analistët thonë se është një teknikë mashtrimi duke përdorur modele dhe ngjyra, e cila u përdor për herë të parë në Luftën e Parë Botërore për të ofruar mbrojtje nga anijet gjermane në det.
Por Rusia nuk është ndalur vetëm te anijet, ajo kapërdorur gjithashtu teknikën e mashtrimit në përpjekje për të mbrojtur bazat e saj ajrore madje edhe ato afër Moskës.
Imazhet satelitore treguan se Rusia ka lyer disa avionë në tokë në bazat ajrore në përpjekje për të mashtruar dronët ukrainas. Imazhet e marra në bazat ajrore Engels dhe Yeysk dhe një bazë lëshimi të raketave S400 në muajt e fundit tregojnë avionë, përfshirë bombarduesit strategjikë Tu-95, në pistë.
Baza S400 në rrethin Timiryazevsky është vetëm rreth 10 kilometra nga zemra e Moskës.
/abcnews.al
