Loading ...
Italia po planifikon të dërgojë ndihmë ushtarake në shtetet e Gjirit në fushën e mbrojtjes ajrore, pas sulmeve të fundit iraniane në rajon
Kryeministrja italiane, Giorgia Meloni tha se Roma synon të veprojë në koordinim me vendet e tjera evropiane për të forcuar mbrojtjen ajrore të shteteve të Gjirit kundër kërcënimeve që paraqesin sulmet iraniane
“Ashtu si Mbretëria e Bashkuar, Franca dhe Gjermania, edhe Italia synon të dërgojë ndihmë në shtetet e Gjirit, veçanërisht në fushën e mbrojtjes dhe konkretisht mbrojtjes ajrore”, tha kryeministrja italiane.
Meloni gjithashtu shpjegoi se ky vendim lidhet si me marrëdhëniet e Italisë me vendet e rajonit ashtu edhe me praninë e një numri të konsiderueshëm qytetarësh dhe forcash ushtarake italiane në Lindjen e Mesme.
