Të paktën 10 palestinezë u vranë dhe 20 të tjerë u plagosën nga forcat izraelite që bastisën qytetin e Bregut Perëndimor dhe kampin e refugjatëve të Jeninit, tha ministria e shëndetësisë e Autoritetit Palestinez.
Fillimisht ministria kishte folur për pesë të vdekur dhe më vonë për gjashtë nga kjo bastisje.
Agjencia zyrtare palestineze e lajmeve WAFA raportoi se një “forcë e rëndësishme e ushtrisë pushtuese” sulmoi Jeninin. Ushtria izraelite, nga ana e saj, theksoi se forcat e saj po operojnë në Jenin, pa dhënë detaje të tjera.
Të paktën 176 palestinezë janë vrarë në Bregun Perëndimor që kur Hamasi sulmoi territorin izraelit më 7 tetor, sipas shifrave të Ministrisë palestineze të Shëndetësisë.
